Kryeministri Berisha ka bërë të ditur se duke filluar nga 1 Janari përvec festës së vitit të ri, shqipëtarët do të përjetojnë rritje rroge, rritje shpërblimi madje edhe rritje të moshës së daljes në pension.

Kjo e fundit është kundërshtuar nga disa specialistë por kryeministri ka shpjeguar se kjo nuk është trill i momentit por konstatimi një rezultati të një studimi.

Sipas një studimi të dr.Berishës shqiptarët kur dalin në pension mërziten nga vetmia dhe për të shtyrë kohën nisin të prishin kot me kot paratë e pensionit.

Që nga koha kur nisi periudha e bollëkut, pensionistët po shihen të kalojnë vitet e fundit të jetës nëpër klube nate dhe striptize, duke konsumuar pije alkoolike madje ne disa raste edhe lëndë narkotike.

“Shumë plaka pensioniste komentojnë në Facebook se pleqtë e tyre po i kalojnë pushimet nëpër plazhe ekzotike mes femrash nudo, seks, drogë dhe rock’n’roll “ thotë dr.Berisha në studimin e tij.

Policia rrugore raporton se vihet re një sasi jo e vogël e gjobave që u janë vënë shoferëve pensionistë për shkak të thyerjes së rregullave të qarkullimit nga shpejtësitë marramendëse me makina sportive me llaska.

Kryeministri Berisha deklaroi me krenari se duke rritur moshën e daljes në pension, shqipëtarëve u jepet mundësia të punojnë edhe në moshën 70 vjecare.

“Unë vetë ndihem si 25 vjec dhe mund të dal në pension edhe 125 vjec” u shpreh Berisha duke renditur rekordet e tij historike-siameze.

“Puna e bëri majmunin njeri ndërsa pensioni e kthen njeriun ne majmun” mbylli mbledhjen e Këshillit të Ministrave.org kryeministri Berisha.

Në ambjentet e Bashkisë, kryetari Lul është takuar me aktoren Eliza Dushku e cila është manhitur nga superbuzeqeshja e Lulit i cili pasi i shpjegoi arritjen e tij në postin e kryebashkiakut i tregoi edhe për arritjet e mëtejshme të parashikuara nga stafit të tij.

Eliza aty për aty ka shprehur dëshirën të merrte nënshtetësinë e këtij vendi, kryeqyteti i të cilit brenda këtij viti do tja kalonte New Yorkut dhe ka pyetur kryetarin Lul mbi procedurat e marrjes së nënshtetësisë shqiptare.

Kryetari Lul u shpreh se e dinte në majë të gishtave se si lihet nënshtetësia se e kishte hequr ne kurriz kur e la gruaja, por se si merret, nuk kishte ndonjë informatë të saktë.

Por mqs Eliza është konsumatore e nënshtetësisë, atëherë Kryetari Lul i garantoi se ekipi i tij për kujdesjen ndaj konsumatorit do ta sqaronte këtë cështje deri në përfundim.

Në këtë moment Eliza e ka emëruar Kryetarin Lul “Ambasador të Ndershmërisë” dhe për ti kthyer nderin Kryetari Lul e ka emëruar Elizën “Ambasadore Nderi”.

Më pas aktorja Eliza Dushku rrefeu për median se së shpejti do të niste puna për një dokumentar të titulluar “Eliza në Botën e Cudirave”.

Pas sugjerimit të Kryetarit Lul titulli i dokumentarit u vendos “Eliza në Bashkinë e Cudirave”.

Takimi përfundoi në një atmoferë të këndshme dhe miqësore.

Kryeministri Berisha ka hapur mbledhjen e Këshillit të Ministrave.org me një përmbledhje të problemeve madhore të Shqipërisë.

Në rend të ditës ka qenë rekordi i paparë i notit në Dhërmi ku mes urimeve të shumta nuk mungonin as ato nga presidenti amerikan Obama. Kryenotari Berisha ka urdhëruar Ministrin e Pordhëve të Jashtme Edmond Dantes Haxhinasto që të shtojë përpjekjet e njohjeve të këtij rekordi nga mbarë bota.

Më pas kryeministri ka folur për grevën e minatorëve të Bulqizës ku ka theksuar se mbështet idenë e grevës pasi është tërësisht demokratike por ka qortuar minatorët që e kanë braktisur grevën.

“Gruaja njihet nga revania, Burri njihet nga uria” ka thënë Berisha duke cituar një fjalë të urtë vicidolase.

“Kur kam kapur minutën e 132 të notit kam menduar për ju” nënvizoi Berisha duke shtuar se Qeveria e Tij do të mbështesë pa rezerva minatorët grevistë.

Me propozim nga vetë Kreu i Tij, Këshilli i Ministrave.org mori këto vendime:

• Minatorëve të mos u mungojë uji i pijshëm. Cilësia e ujit të jetë acqua pura, acqua vera, 18 karatësh. Në rast se gjendet sponsori, minatorëve do tu ofrohet edhe pije energjike. (Ngarkohet Drejtoria e Ujsjellësit të Bulqizës të punojë për mosndërprerjen e ujit por të ketë pa pushim 27-48 orë).
• Minatorëve të mos u mungojë informimi me median e përditshëm. Të instalohen antenat televizive të posacme që vala e televizioneve të pavarura qeveritare të mbërrijnë deri tek minatorët që ata të mos u humbasin asnjë fjalim apo rekord të kryeministrit. (Ngarkohet ai robi që merret me keto punë si zakonisht).
• Minatorëve të mos u mungojë kontakti me familjen. Për këtë qëllim të instalohet interneti me fuqi 1GigaSal për sekondë. Nëse minatorët nuk hanë Buk, tashmë ata do të kenë FejsBuk. (Ngarkohet ndonjë rob që rri kot e që merr vesh nga interneti)
• Zyra e shtypit të Këshillit të Ministrave.or të fillojë punën për përpilimin e tekstit formal që do të përmbajë urimin e sinqertë të minatorëve ndaj Kryeministrit Berisha kur ata të marrin vesh për masat e marra nga Qeveria.
• Për hatër të minatorve, këto vendime hyjnë në fuqi menjëherë pa u botuar në fletoren zyrtare.

Përgjatë ditëve të fushatës, kandidati i kryeministrit për kryetar bashkie të Tiranës Lul Basha po dërgon sms qytetarëve të ndryshëm duke u uruar ditëlindjet, festa familjare, përvjetore, synetllëqe, etj.

Kryeministri Berisha është pyetur gjatë një interviste për këto mesazhet e urimi si ka arritur Lul Basha të posedojë këta numra që supozohet se janë të dhëna përsonale dhe përdorimi i paautorizuar quhet shkelje e privatësisë.

Berisha është përgjigjur se kjo nuk është shkelje e privatësisë pasi Basha ka 100 mijë fansa në SaliBook dhe falë tij Këshilli i Ministrave.org ka mundur të gjejë numrat e telefonit, adresat e emailit, numrat e këmbëve, datat e fejesave, martesave, etj.

Pyetjes se si u gjetën numrat e celularëve të grave apo pleqve që nuk kanë SaliBook, kryeministri Berisha ju përgjigj duke e quajtur të pasaktë pasi falë nismës “Shqipëria në Moshën e Internetit” cdo qytetar posedon një llogari në SaliBook, madje edhe foshnjat që priten të lindin, prindërit u rezervojnë një akkount në SaliBook.

“Nuk ka asgjë të keqe tu urosh të tjerëve ditëlindjen apo synetllikun” deklaroi Berisha duke shtuar se zgjedhjet e Majit janë cështje e gjithë popullit dhe nuk mund të themi “e imja apo e jotja”.

“Cdo gjë e Popullit i përket edhe Pushtetit Popullor” shtoi kryeministri.