Lajme te fresketa:

Qeveria mban premtimin elektoral Shqipëria Superfuqi Industriale: Prodhohet automjeti i parë shqiptar me forcat tona

E-mail Print PDF

Posto ne Facebook

Qyteti i Cërrikut i zbardh faqen qeverisë duke realizuar përmbushjen e një premtimi elektoral që gjithë botës i janë dashur shekuj teknologji dhe industri, ndërsa Shqipëria ja doli për 20 vjet.

Shpikesi inovator, me nxitjen e kryeministrit Berisha dhe me ndihmën e pakursyer të ministrit të inovacionit Genc Pollo arriti të prodhojë me forcat e veta një makinë të vërtetë.

Vetëm duke përdorur hekurishte, shpikësi nga Cërriku ka bërë realitet ëndrrën 30 vjecare historike siameze të kryeministrit Berisha: për ta kthyer Shqipërinë në Superfuqi Industriale.

Sapo është njoftuar për lajmin e mrekullueshëm, Berisha ka nxjerrë kompjuterin iSAL dhe ka njoftuar të gjithë homologët e tij euroatlantikë.

Më pas i shoqëruar nga admiruesit e tij prej 300 mijë vetash që nuk i ndahen asnjë cast, kryeministri është nisur si furtune drejt Cërrikut.

Qyteti ishte pregatitur si për festë për të pritur bririn, dmth birin e lavdishëm të Partisë. Pas një mitingu të shkurtër dhe nja tre këngëve të Ciljetës, kryeministri i është drejtuar garazhit ku ishtë vendosur në piedestal automjeti i parë shqiptar.

“Të rrojë NATO dhe Amerika” tha Berisha ndërkohë që hoqi bezen blu që kishte mbuluar makinën e shpikur dhe preu shiritin e inagurimit të makinës duke realizuar edhe dëshirën e shpikësit të saj që deklaroi se kishte qenë ëndrra e tij 30 vjecare që i pari të hipte në të vetë kryeministri Berisha.

“Pa dyshim, është një sadisfaksion i vecantë për mue dhe qeverinë e jeme” deklaroi Berisha dhe hipi mbi makinën e parë shqiptare në brohoritjet e qindra-mijërave duke deklaruar se me këtë makinë do të realizohet udhëtimi historik siamez i shqiptarëve drejt Brukselit, drejt Vjenës, drejt Europës.  

Kryeministri Berisha premtoi se kjo makinë do ishte i pari automjet që do të kalonte në tunelin e Kalimashit drejt Europës së Bashkuar dhe se brenda këtij viti Shqipëria do të ketë fabrikën e parë të prodhimit të automjeteve Made in Albania.

Shefi i qeverisë tregoi i mallëngjyer se dëshira e tij që në kohën e diktatorit Hoxha (r.i.p) ishte të bëhej shpikës por sistemi mizor e detyroi të behej doktor dhe sekretar partie në kundërshtim me aspiratat e tija blu.

Këshilli i Ministrave.org me vendim unanim miratoi markën e re të automjeteve të para prodhim 120% shqiptar të quajtur Made in SALbania.

kompjuterin historik siamez iSAL të kryeministrit Berisha kanë mbërritur qindra mesazhe urimi për këtë hap të industrializimit të vendit. (Meqënëse ra fjala në inbox e iSAL nuk ka ende asnjë new “incoming draft”.)

Vec mesazheve Berishës i kanë ardhur edhe mjaft oferta nga kompanitë prestigjioze të makinave në botë, për tu bërë distributorë ekskluzivë të makinave Made in SALbania.


Powered by jWarlock jwFacebook Comments

[Sqarim]

Duhet te jeni te regjistruar per te komentuar.

Vitrina e Librit

Albumi qeveritar

Sondazh

KE refuzoi dhenjen e statusit per Shqiperine sepse...







Results