Keshilli i Ministrave.org ka vënë re se disa rregullime të vockla në ligjin për SHISH (Shërbimi për Informimin e Shefit) paskan shqetësuar ca njerëz prej jashtetit, dmth medemek ndërkombëtarët.
Sipas ca diplomatëve të huaj (që me siguri janë socialistë të kuq) që asistojnë Shqipërinë në sajimin e ligjeve, vënë re rënien në varësi politike të SHISH sepse sipas projektligjit të ri të koduar me emrin “SHISHqebapi” drejtori i SHISH duhet ti raportojë Kryeministrit për cdo gjë në cdo kohë.
Keshilli i Ministrave.org sqaron se informacionet sekrete nuk mund ti lihen në dorë personave dosido apo dokudo por vetëm personaliteteve me duar të pastra.
Kryeministri Berisha si ish-doktorr e ka si edukatë pune të lajë duart para cdo ndërhyrjeje kirurgjikale, artizanale, analitike, historike dhe politike.
Megjithatë që prej vitit 2005 ka pajisur të gjitha ambjentet e tija të punës me lavamanë dhe ujë të rrjedhshëm 24 orë dhe nuk prek asnjë letër para se ti lajë duart mirë e mirë me ujë dhe me sapun 15 lekësh. Edhe sikur për ndonjë moment të ikë uji sic ikin dritat e stadiumeve, një person i vecantë nga eskorta e Shefit mban gjithmonë në xhep facoleta të lagura.
Prandaj Keshilli e gjen me vend të sigurojë të Ndërjashtëmit dhe Ndërkombëtarët se cdo material nga SHISH apo edhe ndonjë racion shishqebap është jashtë rrezikut për infeksion në duart e doktorrit. Sekretet e SHISH janë të sigurta në duart e pastra të Shefit.
Por duke rrëmuar nëpër skuta ata capacule ndërkombëtarë paskan gjetur se në ligjin ekzistues kjo pikë ka qenë e përcaktuar ndryshe. “Drejtori i SHISH informon dhe raporton te presidenti i Republikës dhe të kryetari i Keshillit te Ministrave me ose pa org për probleme që lidhen me sigurimin kombëtar”.
Keshilli i Ministrave.org sqaron serish se kryemistri aktual Sali Berisha ka mbajtur dikur postin e presidentit të republikës, ndaj drejtori i SHISH duke i raportuar kryeministrit, njeherazi i ka raportuar edhe presidentit.
Bazuar mbi këto që sapo cituam më lart, Keshilli i Ministrave.org siguron maksimalisht Ndërkombëtarët dhe të gjithë shtetasit e interesuar se në projektligjin e ri lidhur me SHISH nuk ka varësi direkte, indirekte dhe stërdirekte nga politika por vetëm nga kryeministri Berisha.
Shpresojmë t’ju kemi sqaruar dhe të keni mbetur të kënaqur.
Zedhenesi@KeshilliMinistrave.org
Powered by jWarlock jwFacebook Comments